Karim na
Abou wakantsi bapvuni mwa ye poro waka hwangaliya meli yaka hu pvahuwa mbe za
he miradji.
“Wakati
nawona ze mbe zinu, tsi yesheleya ye hadissi naka husoma harumwa ye Taoureta ya
hamba hukaya: wamdru watsile damu.”
Karim hamba: “Mngu hamba; ‘Mana
ye mayesha yahe mwili ngayo harumwa ye damu; mana ye damu de yi pvanguwawo ye
madhambi ha sibabu de ya mayesha yaliyo harumwa ye damu’.
“Namna
hindri damu yi towawo madhambi? Le fumba
la Mngu lilo dje?”1
Abou
hatsehe, “Ha hudjibu le suala, yi lazimu
riredjeyi harumwa ye jardin ya Aden
yikawo yika nde yi mbepvo. Ngu yesheleyo
zadjiriya Adam na Hawa?”
“Ewa,
wakoso Mngu na Mngu awatowa harumwa ye Jardin, na Mngu hatsindzi yi nyama ha
renge ye ngozi hawafanyiya nguwo za hu pvaya.
Mngu hawumbu wanadamu ne zinyama, hawafanya wake wandzani. Mwandzani nde
yatowa ye damu. Baanda ya zinu wu pvwamodja wa Mngu na wu binadamu
ne zinyama wuka wubadiliha. Hayizo piya
za djiri, Mngu hakana ndziya ya huredjeza o modja wahe na wu binadamu, mana
yeye hwandza hakuu wanadamu. Ye ndziya
yinu yambwa harumwa ya makalima matukufu ya Mngu mara djana na djana. Harumwa ye Jardin ya Aden Mngu hambiya
shetwani. ‘Ngamdjo triya mfaraka bayina
ya haho na mdrumushe, halafu bayina ya mwana wahaho na wa hahe. Ye mwana wa hahe ngudjo hu rwariya ye
shehitswa, na wewe ngudjo mrema le kuo la mndu.’2 “Ye mwana wa mdrumshe yambwawo ama mbiya
ndzima; mdrumume mdzima.”
“Mndru
wayi ndo?” Karim hawuziza.
“Ye
miyandi ya hahe yiyo ngiyo sawa na mndru yambawo ze ndrongo za Isa ya fanya.
Isa hamba: ‘Ngam fikiriwo huka tsidja ha
hu towa ye shaenriya sha mtrume Musa ne mandjishi yahe mitrume wa hamba, sha
mimi tsidja ha hu zi timizi.’3 Ye
makalima ya Mngu ya hamba huka: ‘Isa
atowa wushindzi wa ze ndrongo za hu tawalifu ne yi yezi yayizo kaziwoneha, azi
wonesa harumwa ye shiwandza hahu wonesa huka ahundru wushindzi wa hu towa Isa
swadaka harumwa mswalaba.’ “4
“Wakati
Mngu yapara Ibrahima, Mngu amwambiya ya renge zi nyama zi raru, yazi wunguwe
mbidi mbidi. Hahu fanya ze ndrongo zinu Ibrahima haka hudjuwa huka Mngu haka
hufanya miyandi naye sha kayidjakaya miyandi bahi, sha miyandi ya damu. Wu mwiso Mngu atimizi ye miyandi ya damu yinu
na Ibrahima ha hutwaharifu.”5
“Ndrongo
hindri nde yakaya harumwa ye miyandi yinu?”
Karim hawuzisa.
“Miyandi
hama nda yinu,
wuka bayina ya makungumanyo mayili yambawo ndrongo mihinu halisi, bayina yahe
makungu manyo yo mayili. Wawo wudjitowa
fidiya ne wa pvukishana.”
“Ngu
wandzo wu nambiye huka Mngu haka hwambiya Ibrahima hukaya ngudjo towa ye roho
ya hahe (Mngu) ne ye damu ya hahe (Mngu) yili yampvukishe?” Karim aziwono midjuza.
“Yinu
nde ndrongo ya renda. Izo kadjaka ya
fanyiliya Ibrahima ha yetshe hudja doniyani ama Isa, Mngu hatowa ya mayesha ya
hahe ne yi damu ya hahe hahu redjeza wu binadamu piya hahedju!”.
“Izo
ndrongo zidjo kiri, Mngu huandza wo lemengu halisi?” Karim haka hulila. “Yinu nde nkando ya handa ne yelewa ye
makalima ya hambwa harumwa ye shiyo shandzihwa na Yuhani 3:16: Mana Mngu handza wu lemengu kabisa, hata
atowa ye mwana mdzima wa hahe, amupveha yili hayina mndru yamuaminiwo kana
huangamiya, sha ngudjo kana maesha ya wadaima.;”
“Mengoni
mwa ze ndrongo zaka za djiri, pvwarumilwa damu nyindji yika ndo wakati wandru
wa bani Israila waka watolwa harumwa ye ntsi ya Misri dju mwa hurumwa na
hutezwa sheri. Mngu haka amrisha hayina
daho la Israila, wa tsindze gondzi ha hutowa fidiya, wa renge ye damu ya le
gondzi wa pvahe dju mwa ye milango yahe ze nyumba za hawo.
“Wakati
wula, ye masihu hayina daho lahe ntsi ya Misri, likawo kalidjaka wuamini Mngu
bila kalidjaka pvaha ye damu harumwa mlango, hayina mwana mume wa handa haka
wurengwa ne mawuti.”6
Karim
atanabahi hukaya wu wandru wa Israila wa hifadhwiwa ne yi damu.
“Ewa,
sha tsi nde haina damu yaka wurumishiha. Yika yi ruhusiwa hukaya ye damu yike
ya gondzi likena mwaha, bila litsike bwade, sha gondzi djema lendza swiha.”
“Ngu
wambo huka ye damu ya he le gondzi laka la lazimishiwa li wulawe. Like hama
Isa?” Karim hawuzisa.
“Ewa de
keliyo ye magondzi piya ya wulwawa zinu zika humpvumbuwa Isa. Le gondzi lika lilazimu like trahafu ama de
helilo Isa kadjakana madhambi. Money
mrumishi wa Isa hamba hukaya: ‘ hayizo, ye damu nyitwaharifu ya kiristi Isa,
yiliyo hama mna
gondzi wa sadaka alingana tsena katsina kosa litsokawo lontsi. Haka atsungulwa
kabula yahe doniya ho wumbwa, sha adja ha pvenulwa harumwa o wakati wa mwiso
wunu ha huripvukisha.’7
Wakati
Yahaya mbayishizi amuwona Isa yakawu mdjiliya, hamba hukaya: “Na muone ye swadaka ya Mnguyiliyo mfano
mdzima na mwana wa gondzi latolwa swadaka.
Yeye nde ya towawo ya madhambi yahe doniya,’8
“Harumwa
ye shiyo sha mwiso shahe Injil, yahaya andziha ya makalima ya le djimbo laka hu
heziwa Isa ne malayika mbepvoni: ‘Wewe wustahiki wurenge ye kiritasi ya pverwa,
tsena hu puwe ze liti za hayo, wubuwe.
Mana, wuka wutsindzwa ha hutolwa swadaka, na he damu yaho wu huliya Mngu
wu binadmu piya yikawo wapuha harumwa ze kabila piya ne zi luha piya ne zentsi
piya za duniyani’.”9
“Yinu
ndrongo ndjema kabisa Karim amwambiya.
“Kapvasi mndru yaparo nambiya ya makalima matukufu ya Mngu ye namna
yinu, Abou. Ngapvo mpango mwemwa halisi
harumwa ye shiyo shitwaharifu shinu!”
“Ewa, ha
wukweli ngapvo mpango. Mngu aka ambiya
wandru wa Israila wa mundiye nyumba ya humuabudu. Harumwa ye nyumba yinu pvwaka pvwarumishiha
damu nyindji.”
“Ye
nyumba yikaya yahu fanya hindri?” Karim
hawuzisa.
“Ye Nyumba yika ndo pvahano Mngu yaka wo
wonana na wandru. Pvwakaya ma fuko
mayili harumwa ye nyumba, pvahano pvwatwaharifu na pvahano pvwatwaharifu
kabisa. Harumwa ye mafuko yanu, Mngu aka
awambiya wa sise msutru mine yi kaye ndo lip ambo la ye nyumba. Ye rido yaho o pvwendze yikana range ama
mtsanga wa ntsi nkavu. Ye rido ya pvili
yifanyiwa ha ngozi ya gondzi na yiyo yikana range nyinkudu hama damu.
Wu moni mwa ye nyumba pvwaka hudjisa swafi. Sha mndru kadjaka wona badi nayika andjiya
wumoni. Weka pvwendze ngudjo wona ye
ngozi yakana ye range ama mtsanga wa ntsi nkavu yaka yafinihwa. Ye ngozi yinu yika wu mpvumbuwa Isa yikawo aka
hufana na mwanadamu ama ndasi. Kapvwatsi
mndru aka hudjuwa huka Isa aka apvehwa na Mngu mana aka hufanihana nasi, badi
wuka mndru akana wudjama naye ndo yakawu mayizi huka Isa akaya ndo Muhuyizi
mtukufu wa he doniya. Ye ngozi yakana ye
range nyinkundu yika huyeledza de ye damu ya Isa. Bawulusu mrumishi wa Isa andziha huka: “Dju la Isa rikombolwa ha ndziya yahe damu ya
hahe yaka triha ha hutowa sadaka haru mwa ye mri wa mswalaba, rihundru mswamaha
wahe ya madhambi ya hatru ha hu dunga wu tadjirifu wa ye neema za hahe yari djaanliya.’ “10
“Bayina
ya le fuko twaharifu ne le fuko twaharifu swafi, pvukaya suru nku likawo wandru
wane kawadjaka hu shinda ha hu lilimba.
Dingoni mwa le suru linu pvaka ndo mahala ndzitwaharifu kabisa pvwa
Mngu, pvwa dzima na kasha lahe miyandi.
Ye kasha yika yifanyiwa ha mri li pvwambwa na dhahabu. Ye kasha yika ndo ye Shehiri sha Msikiniyo. Pvodju mwahe sheheri shinu pvakaya nuru, ye
nuru yinu yikaya ndo wutukufu wa Mngu.
Moni mwe le fuko linu ye fundi muhu wa din inde yakana ruhusa yadjiye
nkando ndzima harumwa mwaha ha hu mwelesheya Mngu ye damu hahu tsaha swamaha ya
madhambi ya wandru wa hahe.”
“Ngwandzo
wunambiye hukaya wu fundi wa dini muhu aka wusubuti hundjiya harumwa mahala
nyitwaharifu ya Mngu? Karim hawuzisa.
“Ewa
yika wakati muhimu ye fundi wa dini haka amurishiwa yabaliye damu ya yinyama
ntiti shitsona mbwade. Ye shehiri sha miskiniyo shika ndo mahala ze hadhwabu za
Mngu ha ya madhambi yahe wanadamu. Ye
waswili o moni wahe mahala ndzitwaharifu kabisa, aka hutsambaza ye damu harumwa
ye shehiri sha msikiniyo, Ndrongo yinu ye fanyishiha Mngu kadjaka wuwona tsena
ya madhambi yaho wanadamu. Aka huona de
ye damu, yaka hu swamihi ya madhambi yahe wanadamu. Ye damu yaka tsambazwaa harumwa ye shehiri
sha miskiniyo ika wu badili ye fikira ya Mngu ha hu rendeha fikira ya miskiniyo
badala ya fikira ya huhukumu.”
“Kudja
nambiya ze ndrongo za Mngu yaka wu hamda dju la le fuba la hu hoha.”
Harumwa
ye shandza sha dahoni, pvakaya mlango mdzima bahi. Yinu yika ndo ye ndziya ya wuruhusu mndru ya
ndjiye mahala le fuba laka la kadziwa harumwa ye shandza. Le fuba lika hupwarwa fuba la shaba. Pvanu pvaka ndo mahala ya fidiya yaka
hutolwa. “Mwanadamu kadjaka wuhundra
swamaha ya he madhambi ya hahe badi wuka adja atowa fidiya. Iladhimu yakadze wu
mohono wa hahe harumwa ye shehitswa sha he shinyama, ha hudji tsanganya ni sho
kabula yahu shitowa fidiya. “Wakati nda
wuwo fundi ngudjo renga ye damu atriye harumwa kupveti ya tsambaze harumwa ye mindu
lahe le fuba. Ye mndru yaka hutowa ye
fidiya aka hu djuwa huka ye damu yahe shinyama kayi djaka hutowa swafi le
dhambi sha ye damu yika wu finiha le dhambi baandhwi za wakati hata mpaka
wakati ya towa fidiya yasaya.”
“Ye le
fuba lakaya hu pvubulwa de wu mri wa Mswalaba. Ye damu piya ya triha harumwa wu mundu wahe
mwiri wa le fuba wuka wu pvombuwa Isa.
Wakati Isa ya hafa, pvakaya djaishi la mdzodza ye mbafu ya hahe, damu na
madji ndo yasiha harumwa mri wa mswalaba hama
de helilo wu fundi wa masadaka aka hu towa ye damu yahe yinyama wakati shaka hu
wulawa ha hutowa swadaka. Ngapvo
tafawuti nku bayina ye damu ya Isa na ye damu yahe yinyama shaka hu tolwa
fidiya. Hutowa fidiya yinyama yika yi
lazimu yi fanyiwa ayina wakati, sha Isa hafu nkando ndzima bahi ne yi damu yahe
yitosho ama de heli ya makalima ya hamba: Mana Kiristi waye afu nkado ndzima
ha hu tsashiya wandru mswamaha yahe madhambi.’ “11
“Pvakaya
mlango mdzima, ndo waka wuruhusu mndru yandjiye wo moni. Isa hamba hukaya: ‘Mimi ndo mlango, hena mdru wudjo pvira,
wuwo hapvukishiwa. Ngudjo ndjiya nahu
lawa ha wunafasi, ngudjo hundra mbahindru ya hula.’ “12
“ Ye ntsihu
yaredjeyi doniyani, mdrumushe mengoni mwa wandru wa hahe hawono Isa bapvuni mwa
he le kaburi. ‘Isa hamwambiya: wu
tsinikomeye mana raha ndja wonana na
Baba wa hangu Mngu.’13 Hama de helilo fundi mhu wa dini kadjaka
wudjuwa ya komelwa na mndru ata mpaka yende ne yi damu harumwa ye mahala
nyitwaharifu. Masihu yawo, Isa andjiya harumwa ye nyumba yikawo ndo ya
maswahaba ya hahe yaka pvwadzima naye hawambiya hukaya ngawadju wudjuwa
wamkomeye ha pvasa. Ye hazi ya hahe yi
hissa. hawambiya: ‘Na munangaliye
ye mindu ya hangu na yi mihono, ha wu kweli woyi dami, Na munikomeye, muwone
mana mfu kakana nyama, wala ziba ama de heli muniwonawo nizo.’ “14
“Yinu
hadissi ndjema, Abou! Ndja paro fikiri
hukaya ye mahala ye fidiya yaka hutolwa yika hu wamba ndrongo ama ndo zinu,”
Karim hamba.
“Hakika,
yika ndjema! Ngapvo zendji! Ye ntsihu Isa ya hafa, ya mafundi wa dini
waka hutowa fidiya ya zinyama harumwa ye nyumba ya yibada. Wakati wa timizi hu towa ye fidiya, ye fundi
aka wuha ha wuwambiya wandru: Yi timiya!
harumwa baendwi za kilometera bapvuni, na wu wakati ndo wuwo harumwa mlima
karibu na mdji, ye mwana wa Mngu aka hu rwalwa hitswa, hahu limbwa ye mihono ha
hu karibisa wu binadamu piya nayeye hamba:
“Itimiya!”15
Wakati
Isa yahafa wo msutru muhu wakaya harumwa yi nyumba ya ibada wu nambuha nkando
mbili pvodju hata pvontsi. Harumwa wo
hufa wa Isa Mngu ngu rambiyo huka ngaridjo hudjuwa rindjiye harumwa wu
twaharifu wa hahe, hasibabu yahe damu ya hahe.
Karitsu handza damu ya yinyama na fundi wa dini yarisayidiye rindjiye
harumwa wu twaharifu wa Mngu mana Isa hakaya nde fundi mhu naye hafu nkado
ndzima hasibabu ndo madhambi ya wubinadamu piya.
Ye
Mkalima ya hamba: Isa hashemeza hadji
nku, wakati wuwo hafu. Na wu msutru
wakaya harumwa ye nyumba ya yinbada wu pasuha nkando mbili, ye arudhwi yika hu
ririnda, ye mawe mahu ya pasuha, ya makaburi yabuha, na wandru wendji waka
humtwin Mngu wahafa waredjeyi doniyani, waroha harumwa ya mahaburi baenda Isa
ya redjeyi doniyani ye ntsihu ya raru wandru waka waroha mahaburini ha huwenda
midjini na wandru wendji wa wawono wakati ya madjeshi ne wandru waka hu mukadza
Isa wa tanabahi ye arudhwi ya diha waka wahara na wawo wamba huka: ha wu kweli woyi
haka ndo wu mwana wa Mngu!” ’16
1Lèvitique 17:11; 2Genèse 3:15;
3Matiyo 5:17; 4Makolosiya 2:15; 5Genèse 12;15; 6Exode 12:6-7; 71 Monye(Pierre) 1:19-20; 8Yuhani 1:29; 9Mivenuliyo 5:9; 10Maefeso 1:7; 11Monye 3:18; 12Yuhani 10:9; 13Yuhani 20:17; 14Lukasi 24:39 ; 15Yuhani 19:30; 16Matiyo 27:50-54.
No comments:
Post a Comment