Wakati wa hale
pvakaya mndru wa ibada yaka huparwa Saidi harumwa mna mdji mtiti.
Harumwa trasi
hadja ho bangweni habaliya dema la nyunyi nduhazilaka na nkutsu, hali hantsi
pvontsi.
Wandu wendji waka
humwangaliya, halafu hawambiya,
“Tsi zungusa wo mdji djana,
pvwakaya motro shababi haka hudisa le
dema la nyunyi linu na ye haka karibu na mi.
Harumwa le dema linu pvwakaya nyunyi ndraru. Ze nyunyi zika hu rindrindra mana zikana
baridi na wuhara.”
Tsimhimisa wola motro ha
humuzisa, “Yisho hindri mwana hangu?”
“Zinu nyunyi,” hadjibu.
“Ngo wendo wazifanye?” tsi muzisa.
“Amzibaliyo na tsapvuhe ho
dahoni,” hamdjibu. “Ngamwendo na
ziwunguwe ye mapviho sa yiyo kazina huyewuha.
Sayiyo ngamdjo tsapvuha ndro...”
“Tsi hale yapvu ngudjo
lemewa ne ze nyunyi yizo. Ngudjo zifanya
hindri halafu?”
“Oh! Ngamina mapvaha,”
hamba wola motro wola. Mapvaha ya hangu
yo handza nyunyi, ngamdjo yanikazo.”
Said hadaza harumwa muda
mshashi.
“Ngwandzo riyali nga yili
wunike ze nyunyi yizo mwana hangu?”
“Hum! Zabari hindri? Kuna hudjipviwa ne ze nyunyi zinu, zinu zi
puha ho msiruni, yizo kazi lili ndro, na tsena kazidjisa!”
“Riyali nga?” hamsuali
tsena. “Motro wola hangaliya Saidi hama nge mdjufumuo,
hamwambiya, “Ziwi zili!”
Said haro mhono ho poshoni
hatowa riyali zihwi zili za pvwamodja hanika ye motro wola. Ye sa yiyo motro wola hende zahe.
Said harenge le dema la
nyunyi lila hatsengeleya bapvuni mwa ndziya yaka na miri na marunku mendji, a
hantsi le dema la nyunyi pvontsi. Habuwa
le dema hatsililiya ze nyunyi zi hundru nafasi zende zazo.
Ha yizo le dema likaya trupvu pvontsi. Sayiyo Saidi handisa hutowa hadisi.
Wusiku shetwani haka wu hadisi na Isa. Shetwani haka hudjiswifu ne zembi yafanya
duniyani.
“Hakika tsi hundru
wandru wendji duniyani. Tsi wareya mgala, tsiwarumiya ndrongo hata kawadja
shinda hustahamili, tsi wa subiya piya.”
“Ngodjo wa fanyiya hindri?”
Insa hamuzisa.
Shetwani hadjibu , “Oh!
Ngamdjo kana furaha nyindji!
Ngamdjo wa somesa ye namna ya hu yengana, hu hadayana, hu pvura bange,
hu nwa pvinyo, hu rantsi wandruwashe wa hawo na wandru wawume wa hawo.... Ngamdjo wa triya harumwa fikira za pewu, ni
wa towe ze fikira ndjema za hawo.
Ngamdjo wasomesa heli yahufanya zombo za pewu yili wado wulana. Sa yiyo ngamdjo djipviwa haku.”
“Ngudjo fanya hindri yeka huwasomesa ze twabiya yizo
piya?” Isa hamuzisa.
“Ngamdjo wa towa ze roho za hawopiya.” Shetwani hangaliya Isa ha wutungu.
“Ngwandzo riyali nga djumwawo?” Isa hamuzisa.
“Oh! Zabari hindri? Wutsandze o wandru wawo, Ngwadjo hu
puwa shewo, ngwadjo hutra mare, ngwadjo
hu yenge, tsena ngwadjo huwa hata wufe!”
“Ngwandzo riyali nga?”
Isa hamuzisa tsena.
Shetwani hangaliya Isa, hamtsesheya shina muna. “Hamwangaliya, hamwambiya ngamwandzo ye
mayesha ya haho ne damu ya haho!”
Isa hamba,”Ye
biyashara yi kiri!”
Halafu halipvi ye
thamani.
YE MOTRO MWANA MUME YAKA HUWONA BARIDI
Ye motro mtiti woyi haka ahimi ho pareni haka huwuza magazeti. Na ye haka huwona baridi swafi hata kadja
shinda ya stahamili ya wuza mendji.
Hatsengeleya bapvuni mwa mndru yaka yapvaya nguwo za polici hamuzisa,
“Bomze kutsudjuwa mahala nidjoparisa ni lale masihu ya lewo mana ngapvo baridi
swafi, nambiye ba ye mana mimi wulala hari mwa kariton pvo pandodju pvala ne
masihu ya lewo ye baridi ngiyo nyindji swafi.
Yizo kweli yidjoka ndjema wu parise mahala pvwatso baridi wu lale.”
Ye polici wola hangaliya motro wola ha mwambi “Siha wuntsini hula hata wu parise nyumba
ndjewu sayiyo wudjo rema wu muwango.
Yeka muwangu wu bulwa hamba ‘Yuhani
3:16’, wakati wuwo wadjo hurantsi wundjiye ho dahoni.”
Ha yizo hende ho dahoni yaka yambilwa ya reme wo muwango, hareme wo
muwango. Ye mdzadze mwinyi le daho habuwa wo muwango, wola motro hangaliya ye mdzadze hamba,
“Yuhani 3;16”. Mdzadze hamba, “Karibu wundjiiye, bo
mwana.” Ye mdzadze hangaliya ye motro
hamnika hiri yakentsi karibu na mahala pvwakaya djoro la mro mana pvakaya
baridi swafi. Wakati wula ye mdzadze
haroha. Ye motro wola hakantsi harumwa
muda na hufikiri, “Yuhani 3:16…nstu
yelewa sha ye makalima yanu yanitowa ye baridi naka huyiwona ha hunika djoro.”
Harumwa muda mshashi ye mdzadze haredjeyi ho dahoni hamzisa, “Ngawe na ndzaya?”
Ye motro hamdjibu, “Tsi haku.
Ngasina ntsihu tsashi ndjala mbahindru,
Ye mdzadze wola hampveha ho pani hamkaribisa harumwa meza yakana shahula
shindji. Hali ye shahula hata kadja
shinda ya shi timizi.
Wakati
wula hadjifikiriya tsena, “Yuhani
3:16…ntsu yelewa sha ye makalima yanu yo wukutsa mndru wakati yalona
ndzaya.”Ye mdzadze hamrenge wa heya ho darini hamdubisa harumwa kupveti kuu
laka na madji yamro yili ya yele, wakati wula ye motro wola halala ho kupvetini
harumwa muda mwindji ha hupvumuwa na hu tsapvuha. Wakati wula hadjifikiriya, “Yuhani
3:16…ntsu yelewa sha ye makalima yanu yo rahatsa mndru yakana
nkudi. Wudjuwa bo mdzadze ndjaparo yela
ye namna yinu harumwa ye mayesha ya hangu piya.
Wo wusiku naparo yela yikaya wo siku le gari la madji laka huzima mro,
ye madji yaka hu siha pvontsi ndayo naka huyela”.
Ye
mdzadze hamrenge hamtriya ho fukoni, hamlaza harumwa shetranda shihu hampvihiza
dara hambusu, amlaha hamwambiya masihu mema sayiyo hazimi wo mwendje. Halala pvo yi trandradju na hidza sha haka
huwona pvondze harumwa le dirisha,
hawono ye neji pvo yaka wusiha na pvwakaya baridi swafi pvondze,
hadjifikiriya, “Yuhani 3:16…ntsu yelewa sha ye makalima yanu yo
mnika mndru wupvumuzi wakati mndru ya lemewa.”
Wakati
le tsasi la ndjiya ye mdzadze ha renge ye motro wola hamhantsi harumwa meza
yakana shahula . Pvo ya timizi hula ye
mdzadze hamhantsi karibu na djoro la mro ye mana pvwakaya baridi, harenge shiyo
shihu sha hale yaani nde yi Bible (Tawureta na yi Ingili). Hakantsi ho wusoni mwe motro wola ha
humwangaliya.
“Hamzisa,
wu yelewa ye mana ya Yuhani 3:16?”
Motro hamdjibu, “Anan Mama, ndja yelewa, djana yika ndo wusiku wa handa
na yi shiya le kalima linu wakati ye polici ya nambiya nilirumiye.”
Ye
mdzadze wola habuwa ye bible harumwa ye
shiyo sha Yuhani 3:16 handisa hu mweleza
ze ndrongo za husiyana na Isa. Wakati ya
yishiya ye makalima ya Mngu hanika Isa ye mayesha ya hahe. Hakantsi na hu fikiri, Yuhani
3:16… ntsu yelewa sha ye makalima yanu ngayona wushindzi wa huhifadhu
mndru wakati ya latsiha.”
Yi bidi
nambe ye za kweli, ndja yelewa ye namna
Mngu ya pvendza wo binadamu ha hu pveha
ye Mwana wa hahe yili yanipvukishe,
namna hindri Isa yakubali ndrongo hama
ndazinu. Ndja yelewa dje Mngu ne
malayika mpepvoni wa shinda wa kantsi na hwangaliya wakati Isa akotolwa yi
roho. Ntsu yelewa tsena ye mahaba Mngu
ya kana wusoni mwa mi hata ya rantsi Isa ya wulwawa harumwa wo mswalaba. Ntsu yelewa sha ye makalima yanu yo badilisha
ye mayesha ya ho wanadamu.
Yuhani 3: 16
: “Mana Mungu avendze wu ulimengu, ata
atowa wu Mwana moja wahe, amuveleha yile pare kula muntru amuaminio
asuangamiye, be ake na wu hayati mukamilifu kawuna mupaka.
No comments:
Post a Comment