Vwamoja na Mngu?

Yiyo Mkinishiha Mndru Hukana wu Vwamoja na Mngu?

Karim halala ntsini mwa koo la mnazi karibu ne bahari na hwangaliya ye le djuwa pvo litswawo.  Hadjifikiriya hukaya yi lazimu yike ngapvo Mngu ya wumba wu wanadamu.  Sha nge mahala hule naye katsina wu pvamodja no wanadamu.  Ye pvanu Mngu wu hafiliha ne zumbe za hahe?  Karim haka hufikiri ze taambu ya kanizo harumwa le daho la hahe na mndrumshe wa hahe na taembu zindji za mayesha na taambu za wu wandzani.  Karim adjuha mbapvi.  Mwandzani wahe Abu kadjakana taambu yitsokawo yontsi haru mwa ye mayesha ya hahe, Abu hamba hukaya Karim ye wudjuwa Mngu.  Yiyo mkinishiha mwanadamu ha djulana na Mngu?  Karim hamba ngamdjo hwenda ha mwandzani wangu Abu ha hutsaha mayeledzo zayidi ya husiyana na Mngu. 

  

Hahundru Abu dingoni mwa le daho la hahe haka hwaniha nkarafu.  “Karibu Karim”.  Abu hamrongoza mwandzani wahe ha mahaba.  “Wuka hudja wuniwone awu ngawena ndrongo zihu taambishawo?”  Abu hatanabahi hukaya Karim ngena taambu.  Ngaridjo hudjuwa rindjiye ho dahoni rinwe madji?  Wandjiya ndani wa kantsi.

“Ngamfikiri ndrongo za husiyana na Mngu ze ntsihu zinu, Karim hamba, Tsi amini wukaya ngapvo Mgnu,” sha hangu dju hama katsina shuhuli nami.  Tsi fanya ze ndrongo piya ha hutsaha yanishiliye, mimi wu swali, wu funga tumu, wu towa zaka, tsamini ye Malayika, Tsamini ye Mitrume, Tsamini wukaya ngapvo wusiku wandru ngawadjo hukumulwa, ne hukuma nde niliyo na wu hara haku.  Ndrongo hindri nde yidjo hidjiri yeka rifu?  Ngu fikiri hukaya mndru ngodjo shinda ya fanye ndrongo ndjema hata ya djipvize Mngu?  Hena wakati wewe hwamba ngawena wu pvamodja na Mngu.  Nambiye ye namna wewe wu mudjuwawo Mngu?”  Abu na Karim wano ye madji kabula ya wu hadisi.

Tsi tanabahi hukaya ngawena masuala mendji ya husiana na Mngu, yanu yakaya ndo masuala nakanayo kabula ya wu djuwa Mngu.  Namna hindri nde wadjulana na Mngu?  Karim kadjaka ayelewa.

Hama nde helilo mimi na wewe ridjulanawo, Abu hamba.  ‘Ngamdjo djuwa ni hadisi na Mgnu hama nde helilo ni hadisiyo nawe’?  Mimi wumwishiliya na humstehi mana yeye nde ya niwumba, sha yeye nde mbaba wa hangu tsena mwandzani wahangu.  Yeye wudjuwa ze ndrongo za hangu piya ngamdjuwo huka yeye wunandza.  Mimi humwandza pvangu, mana ani swamihi ya madhambi yahangu piya arudi hanikubali nike mwana wa hahe? 

“Namna hindri ndo wambawo ze ndrongo zinu?  Kayina hukiri mndru hukana wu pvwadzima hama nda wunu na Mngu mtukufu?

Karim hamba, ‘ye ndrongo ya tsonga risikena wu pvwamodja na Mngu nde ya madhambi ya hatru’ Abu hamba.

Tsi djuwa.  Tsifanya djitihadi nitsifanye madhambi.  Mimi wu fanya ze ndrongo naamurishiwa piya.

Yeka tsikana wushindzi, tsi djohenda hedji, sha ntsina fedha.  Yeka Mngu hanika maesha mendji ne rendeha  mduhazi tsina hufanya madhambi mendji’.

Yeka kudja enshi maha mendji, ngodjo djuwa wufe ha adjali ya gari mfano wa hadissi na wewe ngawe motro?   Abu hasuhali Karim.

Karim hadisi ya mafuzi na yeye hakana hamu hata mndru haka hushinda wumrambuwa.  Mkinishiha Mngu yaritriye mroni.  Ngamu tanabahi huka mimi mwanadamu tsina hu shinda na fanya ndrongo ndjema hata zani huliya ye mpepvo.

Abu hadaza harumwa muda mshashi.  Karim, nambiye.  Ngu fikiri hindri yeka pvukaya ndziya ya huka ya madhambi ya haho piya, ze ndrambo wu lepvi, wu susu, widzi na ayina ndrongo ya pewu yikawo ndo wafanya randzi wutitini hata apvaha yinu, yaka huswamihilwa hama mndru yaka huwilwa mapesa yadje ya swamihilwa ye ndeni.  Wadjo djipviwa?

Karim arumbuliya Abu ye matso:  ‘Hakika ngamdjodjipviwa swafi.’

Ngamhwambiyo lelo hukaya ndrongo zinu mkinishiha.  Yinu nde ndrongo Isa yafanya.  Adja ha hulipva ye madeni yahe madhambi ya hatru yili wandru wake wa twaharifu.  Isa haka zayidi ya mtrume, Karim.

Abu ayendreleya ha hweleza.  Fikiri yizo ye hadissi ya hamba pvwadzima ne yizo ye duniya yidjuwawo djumwahe:  Kapvwatsi mndru wa saya yikawo ngudjo shinda yanike wo wanadamu wu hakikifu wa wuhuyi.  Ya makalima ya mngu yamba:  Wu kombozi kawutsi ha mndru wa saya, harumwa ye shepvande shantsi, o wanadamu kawa djanikiwa dzina la mndru murwadji liliyo huka ngaridjo djuwa rikombolwa ha hedju.” 1

Karina hu fanisa Isa na Mtrume mwemwa ya lawa ha Mngu.  Isa apvehwa na Mngu mana Mngu yeye wurandza, ngu wandzo riredjeyi pvohahedju.  Ya makalima ya Mngu yamba:  “Mana Mngu handza wu lemengu kabisa hata atowa ye mwana mdzima wa hahe, ampveha yile ayina mndru wudjomwamini atsife sha akena wu hayati mukamilifu kawuna mpaka.2

Isa yeye nde wu mwana wa Mngu.”3

Ye mitrume piya ya pvira yikaya wanadamu hama ndami nawe.  Isa aka hudjuwa piya ze ndrongo zakaya harumwa ze roho za wu wandadamu.4  Kapvatsi mndru yaka hwamba ama ndaye.  Yeye nde wakala wa hatru ha Mngu.”5

“Isa aritahadharisha hukaya haina mndru ya wanawo ha wupanga, ngudjo wulawa ha wupanga.6  Isa hamba: ‘Mtsikane rankuni mbi mndru yamufanyiliani.  Yeka mndru ahureme mbeye harumwa le trapvu la muhono meni, kawuha ya reme la mohono musheni”.7  Isa aambiya ya maswahaba ya hahe:  “Na mwandze ya maandwi ya hanyu, na hu wa wombeleya Mugu wawo wamu rendawoni nayi”.8  Dju mwa ya maesha ya hahe ngariwonawo hukaya Isa haka nde mfano mwema.  Isa hakaya nde Mndru yatsuparo fanya dhambi.9

Isa hafanya midjuza mindji.  Isa azihira wandru waka wa wade, hapvonesa wandru watsuka huwona.  Haka hupara wo wanadamu wadje hahedju.10  Isa haka hustehi wo wanawashe, na yaye hasomesa huka mndru yakena ndrumshe mdzima bahi.11  Wandru wakana wushindzi wa hundunga ze ndrongo za hahe awu warantsi.  Kadja paro siha mndru ha mpvu ya dunge ye misomo ya hahe.12  Isa katsu rambiya rifanye ndrongo ndjema bahi sha yeye wu kawusa ze roho za hatru yili rifanye ndrongo ndjema. 

Karim hadaza ha hufikiri ya makalima yanu.  “Ndrongo zinu za hambwa, Abu, zinisayidiya tsi yelewa Isa. “Ngapvo tafawuti bayina ya hahe na yi mitrume ya saya.  Sha mimi huyelewa zinu piya, kazisinisayidiya nike karibu na Mngu.” 

Yeka wuyelewa hukaya Isa ye mndru hindri, yapvo ngawe karibu na Mngu, kana wu waminifu:  “Hwamba kuna hushinda wa yenshi hama Mngu.  Kapvatsi hata mndru yadjo shinda. 

Ye makalima ya Mngu yamba huka:  Ye zi lipvwa za madhambi nde mawuti, sha yi neema ya djaanliwa na Mngu, nde wu hayati wutsona mpaka, o pvamodja wa hatru na Isa Kristi’.13

“Yika yirilazimu rife, sha Isa harilipviya ye madhambi ya hatru, hafu harumwa wo  mswalaba hassi.  Hahukumulawa harumwa wo mswalaba hasibabu nde ya madhambi ya hatru, yili riswamihilwa.  Harenge ze ndramboo za hatru, wo susu wa hatru, no wukalizi wa hatru, zi twabiya za pewu piya rakanizo, ya madhambi piya rakanayo na yeye harenge ze hukuma za hatru zaka zahentsiwa na Mngu.  Nahika rikubali swamaha wa he madhambi ya hatru, ye damu ya Isa yikawo de yatriha harumwa  wo mswalaba ngeyidjo rirahatsa yi rinike na mayesha ya nyumeni.”

“Namna hindri nde nidjo hukubali?”  Karim hawudzisa.

Abu ayendeleya hawu mnanuliya:  “Yi hulazimu wutsahe swamanha yahe madhambi yahaho wusoni mwa Mngu.  Hutsaha swamaha, yiyo ndawe hukubali huka wewe muenswifu tsena yilazimu wu hukumulwa, sha nguwandzo swamaha.

“Wakati hindri nde adjoriswamihi, baanda ya mwezi, awu mezi mili awu wakati mwindji?”  Karim hawudzisa.

 “Wakati wudjo tsaha swamaha, ngodjo huswamihi.  No wakati wudjomkubali yakaye ndo Muhuyizi wa haho. Ngodjo rendeha mwana wa Mngu.  Ndrongo zinu ndjema kabisa.  Namna hindri nidjo djuwa hukaya hanikubali?  Karim hawuzisa.  Ya makalima ya Mngu yamba huka:  “Riya wawo mbaba wahangu yadjonipvawo, wadjo nidjiliya, na wuwo anidjiliya.  Mimi tsina humulatsa’.” 14

“Ndrongo hindri nde yidjonihidjiriya nefanya dhambi tsena?”  Karim haka mhara.

Narangaliye za kweli,Karim.  Shetwani kadjadjohandza wundunge Isa.  Ngudjokaya harumwa nbaya nkuu, sha wutsike mhara awu walemewa.  Isa ngudjo hukaya pvwadzima nawe, mana wushindzi wa hahe wurinika piya ze ndrogoo za Mngu, hassi humdjuwa binafsi ye wuripara ho wutukufu wa hahe no wema wa hahe.15

“Baandhwi za waketi ye roho yiyo wu handza yi redjeyi harumwa ze tabiya za hale na baandhwi ya wandzani wa haho ngwadjo hufikiriya huka wewe wu rendeha kafiri.  Ngudjo tezwa sheri na hububulwa, wu tolwa dahoni hanyo, sha ze ndrongoo zinu zimdjiriya Isa pvahe.  Hamba:  “Ngamdjo yengwa no  wanadamu ha sibabu dami, sha mndru yadjo stahamili hata wu mwiso, wuwo ngodjo huyiwa.’16  Ya makalima ya Mngu yamba:  “Ya matso ya hatru na yakabili wussoni mwa Isa ba yeye nde le koho la ho waminifu wa hatru, arudi yeye nde mwinyi wu kamilisha...’ “17

“Ye ngamdjoka mndru wadini wakati nidjo dunga Isa?  Karim ngwandzo ya djuwe.

“O pvwadzima wa haho na Mngu kowutsi mhimu ye namna wudjifikiriyawo.  O pvwamodja wa haho na yeye wuwo wu kweli walawa harumwa ya makalima ya Mngu.  Wakati wudjo mkubali, ngudjo kaya mwana wa hahe.  Wamkubali, wa amini le dzina la hahe, hawanika wushingzi wahu rendeha wana wa Mngu, na mndru yaamini ye mwana ngudjo kana mayesha yatsona mpaka’” .18

Ngufikiri huka ngamdjo shinda nike mndru wa Isa?  Karim hawuzisa ha wukweli.

“Yi lazimu wu rentsi ze twabiya za hale piya, Abu,” hambiya Karim.

“Neka wutsaha swamaha, yapvo yilazimu wu renge enzima huka ngudjo kawusa ye mayendeleyo ya haho. Wu rentsi ye madhambi.  Isa halazimu yake nde dhwamana wa he mayesha ya haho.  Ngudjo husayidiya yake pvwadzima nawe dayima.  Hahusoma ya makalima ya Mngu na hu womba ngudjo hundra wushindzi wuliyo dju mwahe na wewe ngudjo wuka mbalihifu wudje wukaye mrumishi wa hahe.  Wakati wu huwawo na enkli hama Isa, ye duniya ne ze twabiya za duniyani kazina huka na mana tsena hahodju. 

“Inilazimu, niwombe nkando nga harumwa wusiku?”    Karim hawudzisa

“Ngudjodjuwa wu hadisi na Mngu ayina wakati wutsahawo, sha ngamhwambiyo tsena hukaya yi lazimu wu hentsi wakati wa husoma ya makalima ya Mngu nahu muwomba ayina wusiku, wakati mwema ndo pvotrasi wakati wadjuha, mana kuna hukana wu lemepvu,’” Abou hamwaleza

“Ndrongo hindri de ya lazimu ni wombe?”  Karim hawuzisa.

“Wakati wuliyo na taanbu awu ngu tsaha wurenge enzima ya ndrongoo, mwambiye Mngu ahusayidiye. Wakati wu somawo ya makalima ya Mngu, Mngu ngudjo honesa ze kweli, wakati wuwo wu mwambiye Mngu ahusayidiye wu rumiye ze kweli zinu harumwa ya mayesha ya haho.  Ngudjo hudja ho dahoni ayina wusiku yili risome ya makalima ya Mngu pvwadzima, ngaridjo wonana na wananya wasaya wa mwandzawo Isa. Hawu ngu wono dje, Karim?  Pvo rahamba ze ndrongo zinu, ngufikiri wudje wukaye Mndru wa Isa?” 

Kayina huka nyangu awudje?  Karim hawusisa.

“Ewa ngawena haki, kayina hukaya nyangu, ha yizo yihu lazimu wufihiri ndro kabla yahu renga enzma ya hundunga Isa.  Kayitsu lazimu wamndunga hata wewaswili ndziani wa mrantsi, awu ngu wono dje?”

Abu atsehe na ya matso ya hahe yaka huwala wakati ya hamba:  “Zinu muhimu na tsena ngizona maana, Karim.  Kapvatsi ndrongoo ndjema hama mndru hukana wu pvwadzima na Mngu yikawo nde ariwumba. Kapvatsi ndrongoo mhimu hama nde wu hakikifu waho wuhuyizi wa haho.“

 Karim adaza harumwa mnda mwindji na yeye hamba huka:  “Abu ha wu hamba ze kweli, Tsina hushinda na homa, yilazimu ya madhambi ya hangu ya hufriliwa yile nidjuwe Mngu ye namna wumudjuwawo.  Yilazimu nifanye hindri?”

“Hamba ye duwan yinu:  “Mngu tsikubali hukaya mimi muenswifu, yilazimuwani ni hukumulwa, sha ngamuwombo wu niswamihi ye madhambi ya hangu.  Tsamini hukaya Isa afariki haru mwa wo mswalaba ha sibabu nde  madhambi ya hangu.  Isa karibu wudje wurenge ya mayesha ya hangu wu ya yendese, wukaye  mfawume wa hangu.  Tsikubali hukaya ye damu ya haho yi woso ya madhambi ya hangu.  Tsi hunika ya mayeshe ya hangu, nike ye roho ndzitwaherifu ya haho yili niyenshi pvwa dzima na wawe dayima.  AMEN.”

 

1Mapvingizi risala 4:12; 2Yuhani 3:16; 3Yuhani 10:36; 4Mipvenuliyo 2:23; 5Yuhani 2:1; 6Matiyo 26:52; 7Matiyo 5:38,39;  8Matiyo 5:44; 9Yuhani 8:46, 1Monye 2:22 ;10Matiyo 11:28-30; 11Matiyo 19: 5,6; 12Lukasi 10:10,11; 13Maromu 6:23; 14Yuhani 6:37;  15 2Monye 1:3;  16 Markusi 13:13;  17Mahebraniya 12:12 ; 18Yuhani 1:12-14, Yuhani 3:36.