Karim halala ntsini mwa koo la mnazi karibu ne bahari
na hwangaliya ye le djuwa pvo litswawo.
Hadjifikiriya hukaya yi lazimu yike ngapvo Mngu ya wumba wu
wanadamu. Sha nge mahala hule naye
katsina wu pvamodja no wanadamu. Ye
pvanu Mngu wu hafiliha ne zumbe za hahe?
Karim haka hufikiri ze taambu ya kanizo harumwa le daho la hahe na
mndrumshe wa hahe na taembu zindji za mayesha na taambu za wu wandzani. Karim adjuha mbapvi. Mwandzani wahe Abu kadjakana taambu yitsokawo
yontsi haru mwa ye mayesha ya hahe, Abu hamba hukaya Karim ye wudjuwa
Mngu. Yiyo mkinishiha mwanadamu ha
djulana na Mngu? Karim hamba ngamdjo
hwenda ha mwandzani wangu Abu ha hutsaha mayeledzo zayidi ya husiyana na Mngu.
Hahundru Abu dingoni
mwa le daho la hahe haka hwaniha nkarafu.
“Karibu Karim”. Abu hamrongoza
mwandzani wahe ha mahaba. “Wuka hudja
wuniwone awu ngawena ndrongo zihu taambishawo?”
Abu hatanabahi hukaya Karim ngena taambu. Ngaridjo hudjuwa rindjiye ho dahoni rinwe
madji? Wandjiya ndani wa kantsi.
“Ngamfikiri
ndrongo za husiyana na Mngu ze ntsihu zinu, Karim hamba, Tsi amini wukaya
ngapvo Mgnu,” sha hangu dju hama
katsina shuhuli nami. Tsi fanya ze
ndrongo piya ha hutsaha yanishiliye, mimi wu swali, wu funga tumu, wu towa
zaka, tsamini ye Malayika, Tsamini ye Mitrume, Tsamini wukaya ngapvo wusiku
wandru ngawadjo hukumulwa, ne hukuma nde niliyo na wu hara haku. Ndrongo hindri nde yidjo hidjiri yeka
rifu? Ngu fikiri hukaya mndru ngodjo
shinda ya fanye ndrongo ndjema hata ya djipvize Mngu? Hena wakati wewe hwamba ngawena wu pvamodja
na Mngu. Nambiye ye namna wewe wu
mudjuwawo Mngu?” Abu na Karim wano ye
madji kabula ya wu hadisi.
Tsi
tanabahi hukaya ngawena masuala mendji ya husiana na Mngu, yanu yakaya ndo
masuala nakanayo kabula ya wu djuwa Mngu.
Namna hindri nde wadjulana na Mngu?
Karim kadjaka ayelewa.
Hama nde helilo mimi na wewe ridjulanawo, Abu hamba. ‘Ngamdjo djuwa ni hadisi na Mgnu hama nde helilo ni
hadisiyo nawe’? Mimi wumwishiliya na
humstehi mana yeye nde ya niwumba, sha yeye nde mbaba wa hangu tsena mwandzani
wahangu. Yeye wudjuwa ze ndrongo za
hangu piya ngamdjuwo huka yeye wunandza.
Mimi humwandza pvangu, mana ani swamihi ya madhambi yahangu piya arudi
hanikubali nike mwana wa hahe?
“Namna
hindri ndo wambawo ze ndrongo zinu?
Kayina hukiri mndru hukana wu pvwadzima hama nda wunu na Mngu mtukufu?
Karim
hamba, ‘ye ndrongo ya tsonga risikena wu pvwamodja na Mngu nde ya madhambi ya
hatru’ Abu hamba.
Tsi
djuwa. Tsifanya djitihadi nitsifanye
madhambi. Mimi wu fanya ze ndrongo
naamurishiwa piya.
Yeka
tsikana wushindzi, tsi djohenda hedji, sha ntsina fedha. Yeka Mngu hanika maesha mendji ne
rendeha mduhazi tsina hufanya madhambi
mendji’.
Yeka
kudja enshi maha mendji, ngodjo djuwa wufe ha adjali ya gari mfano wa hadissi
na wewe ngawe motro? Abu hasuhali
Karim.
Karim
hadisi ya mafuzi na yeye hakana hamu hata mndru haka hushinda wumrambuwa. Mkinishiha Mngu yaritriye mroni. Ngamu tanabahi huka mimi mwanadamu tsina hu
shinda na fanya ndrongo ndjema hata zani huliya ye mpepvo.
Abu
hadaza harumwa muda mshashi. Karim,
nambiye. Ngu fikiri hindri yeka pvukaya
ndziya ya huka ya madhambi ya haho piya, ze ndrambo wu lepvi, wu susu, widzi na
ayina ndrongo ya pewu yikawo ndo wafanya randzi wutitini hata apvaha yinu, yaka
huswamihilwa hama
mndru yaka huwilwa mapesa yadje ya swamihilwa ye ndeni. Wadjo djipviwa?
Karim
arumbuliya Abu ye matso: ‘Hakika
ngamdjodjipviwa swafi.’
Ngamhwambiyo
lelo hukaya ndrongo zinu mkinishiha.
Yinu nde ndrongo Isa yafanya.
Adja ha hulipva ye madeni yahe madhambi ya hatru yili wandru wake wa
twaharifu. Isa haka zayidi ya mtrume,
Karim.
Abu
ayendreleya ha hweleza. Fikiri yizo ye
hadissi ya hamba pvwadzima ne yizo ye duniya yidjuwawo djumwahe: Kapvwatsi mndru wa saya yikawo ngudjo shinda
yanike wo wanadamu wu hakikifu wa wuhuyi.
Ya makalima ya mngu yamba: Wu
kombozi kawutsi ha mndru wa saya, harumwa ye shepvande shantsi, o wanadamu kawa
djanikiwa dzina la mndru murwadji liliyo huka ngaridjo djuwa rikombolwa ha
hedju.” 1
Karina
hu fanisa Isa na Mtrume mwemwa ya lawa ha Mngu.
Isa apvehwa na Mngu mana Mngu yeye wurandza, ngu wandzo riredjeyi
pvohahedju. Ya makalima ya Mngu yamba: “Mana Mngu handza wu lemengu kabisa hata atowa
ye mwana mdzima wa hahe, ampveha yile ayina mndru wudjomwamini atsife sha akena
wu hayati mukamilifu kawuna mpaka.2
Isa yeye
nde wu mwana wa Mngu.”3
Ye
mitrume piya ya pvira yikaya wanadamu hama
ndami nawe. Isa aka hudjuwa piya ze
ndrongo zakaya harumwa ze roho za wu wandadamu.4 Kapvatsi mndru yaka hwamba ama ndaye. Yeye nde wakala wa hatru ha Mngu.”5
“Isa
aritahadharisha hukaya haina mndru ya wanawo ha wupanga, ngudjo wulawa ha
wupanga.6 Isa hamba: ‘Mtsikane rankuni
mbi mndru yamufanyiliani. Yeka mndru
ahureme mbeye harumwa le trapvu la muhono meni, kawuha ya reme la mohono
musheni”.7 Isa aambiya ya maswahaba ya
hahe: “Na mwandze ya maandwi ya hanyu,
na hu wa wombeleya Mugu wawo wamu rendawoni nayi”.8 Dju mwa ya maesha ya hahe ngariwonawo hukaya
Isa haka nde mfano mwema. Isa hakaya nde
Mndru yatsuparo fanya dhambi.9
Isa
hafanya midjuza mindji. Isa azihira
wandru waka wa wade, hapvonesa wandru watsuka huwona. Haka hupara wo wanadamu wadje hahedju.10 Isa haka hustehi wo wanawashe, na yaye
hasomesa huka mndru yakena ndrumshe mdzima bahi.11 Wandru wakana wushindzi wa hundunga ze
ndrongo za hahe awu warantsi. Kadja paro
siha mndru ha mpvu ya dunge ye misomo ya hahe.12 Isa katsu rambiya rifanye ndrongo ndjema bahi
sha yeye wu kawusa ze roho za hatru yili rifanye ndrongo ndjema.
Karim
hadaza ha hufikiri ya makalima yanu.
“Ndrongo zinu za hambwa, Abu, zinisayidiya tsi yelewa Isa. “Ngapvo
tafawuti bayina ya hahe na yi mitrume ya saya.
Sha mimi huyelewa zinu piya, kazisinisayidiya nike karibu na Mngu.”
Yeka
wuyelewa hukaya Isa ye mndru hindri, yapvo ngawe karibu na Mngu, kana wu
waminifu: “Hwamba kuna hushinda wa
yenshi hama
Mngu. Kapvatsi hata mndru yadjo
shinda.
Ye
makalima ya Mngu yamba huka: Ye zi
lipvwa za madhambi nde mawuti, sha yi neema ya djaanliwa na Mngu, nde wu hayati
wutsona mpaka, o pvamodja wa hatru na Isa Kristi’.13
“Yika yirilazimu
rife, sha Isa harilipviya ye madhambi ya hatru, hafu harumwa wo mswalaba hassi. Hahukumulawa harumwa wo mswalaba hasibabu nde
ya madhambi ya hatru, yili riswamihilwa.
Harenge ze ndramboo za hatru, wo susu wa hatru, no wukalizi wa hatru, zi
twabiya za pewu piya rakanizo, ya madhambi piya rakanayo na yeye harenge ze
hukuma za hatru zaka zahentsiwa na Mngu.
Nahika rikubali swamaha wa he madhambi ya hatru, ye damu ya Isa yikawo
de yatriha harumwa wo mswalaba ngeyidjo
rirahatsa yi rinike na mayesha ya nyumeni.”
“Namna hindri nde
nidjo hukubali?” Karim hawudzisa.
Abu ayendeleya hawu
mnanuliya: “Yi hulazimu wutsahe swamanha
yahe madhambi yahaho wusoni mwa Mngu.
Hutsaha swamaha, yiyo ndawe hukubali huka wewe muenswifu tsena yilazimu
wu hukumulwa, sha nguwandzo swamaha.
“Wakati hindri nde
adjoriswamihi, baanda ya mwezi, awu mezi mili awu wakati mwindji?” Karim hawudzisa.
“Wakati wudjo tsaha swamaha, ngodjo huswamihi.
No wakati wudjomkubali yakaye ndo
Muhuyizi wa haho. Ngodjo rendeha mwana wa Mngu.
Ndrongo zinu ndjema kabisa. Namna
hindri nidjo djuwa hukaya hanikubali?
Karim hawuzisa. Ya makalima ya
Mngu yamba huka: “Riya wawo mbaba
wahangu yadjonipvawo, wadjo nidjiliya, na wuwo anidjiliya. Mimi tsina humulatsa’.” 14
“Ndrongo hindri nde
yidjonihidjiriya nefanya dhambi tsena?”
Karim haka mhara.
Narangaliye za
kweli,Karim. Shetwani kadjadjohandza
wundunge Isa. Ngudjokaya harumwa nbaya
nkuu, sha wutsike mhara awu walemewa.
Isa ngudjo hukaya pvwadzima nawe, mana wushindzi wa hahe wurinika piya
ze ndrogoo za Mngu, hassi humdjuwa binafsi ye wuripara ho wutukufu wa hahe no
wema wa hahe.15
“Baandhwi za waketi
ye roho yiyo wu handza yi redjeyi harumwa ze tabiya za hale na baandhwi ya
wandzani wa haho ngwadjo hufikiriya huka wewe wu rendeha kafiri. Ngudjo tezwa sheri na hububulwa, wu tolwa
dahoni hanyo, sha ze ndrongoo zinu zimdjiriya Isa pvahe. Hamba: “Ngamdjo yengwa no wanadamu ha sibabu dami, sha mndru yadjo
stahamili hata wu mwiso, wuwo ngodjo huyiwa.’16 Ya makalima ya Mngu yamba: “Ya matso ya hatru na yakabili wussoni mwa Isa
ba yeye nde le koho la ho waminifu wa hatru, arudi yeye nde mwinyi wu
kamilisha...’ “17
“Ye ngamdjoka mndru
wadini wakati nidjo dunga Isa? Karim
ngwandzo ya djuwe.
“O pvwadzima wa haho
na Mngu kowutsi mhimu ye namna wudjifikiriyawo.
O pvwamodja wa haho na yeye wuwo wu kweli walawa harumwa ya makalima ya
Mngu. Wakati wudjo mkubali, ngudjo
kaya mwana wa hahe. Wamkubali, wa amini
le dzina la hahe, hawanika wushingzi wahu rendeha wana wa Mngu, na mndru
yaamini ye mwana ngudjo kana mayesha yatsona mpaka’” .18
Ngufikiri huka
ngamdjo shinda nike mndru wa Isa? Karim
hawuzisa ha wukweli.
“Yi lazimu wu rentsi
ze twabiya za hale piya, Abu,” hambiya Karim.
“Neka wutsaha
swamaha, yapvo yilazimu wu renge enzima huka ngudjo kawusa ye mayendeleyo ya
haho. Wu rentsi ye madhambi. Isa
halazimu yake nde dhwamana wa he mayesha ya haho. Ngudjo husayidiya yake pvwadzima nawe
dayima. Hahusoma ya makalima ya Mngu na
hu womba ngudjo hundra wushindzi wuliyo dju mwahe na wewe ngudjo wuka mbalihifu
wudje wukaye mrumishi wa hahe. Wakati wu
huwawo na enkli hama
Isa, ye duniya ne ze twabiya za duniyani kazina huka na mana tsena
hahodju.
“Inilazimu, niwombe
nkando nga harumwa wusiku?” Karim
hawudzisa
“Ngudjodjuwa wu
hadisi na Mngu ayina wakati wutsahawo, sha ngamhwambiyo tsena hukaya yi lazimu
wu hentsi wakati wa husoma ya makalima ya Mngu nahu muwomba ayina wusiku,
wakati mwema ndo pvotrasi wakati wadjuha, mana kuna hukana wu lemepvu,’” Abou
hamwaleza
“Ndrongo hindri de
ya lazimu ni wombe?” Karim hawuzisa.
“Wakati wuliyo na
taanbu awu ngu tsaha wurenge enzima ya ndrongoo, mwambiye Mngu ahusayidiye.
Wakati wu somawo ya makalima ya Mngu, Mngu ngudjo honesa ze kweli, wakati wuwo
wu mwambiye Mngu ahusayidiye wu rumiye ze kweli zinu harumwa ya mayesha ya
haho. Ngudjo hudja ho dahoni ayina
wusiku yili risome ya makalima ya Mngu pvwadzima, ngaridjo wonana na wananya
wasaya wa mwandzawo Isa. Hawu ngu wono dje, Karim? Pvo rahamba ze ndrongo zinu, ngufikiri wudje
wukaye Mndru wa Isa?”
Kayina huka nyangu
awudje? Karim hawusisa.
“Ewa ngawena haki, kayina hukaya nyangu, ha yizo
yihu lazimu wufihiri ndro kabla yahu renga enzma ya hundunga Isa. Kayitsu lazimu wamndunga hata wewaswili
ndziani wa mrantsi, awu ngu wono dje?”
Abu atsehe na ya
matso ya hahe yaka huwala wakati ya hamba:
“Zinu muhimu na tsena ngizona maana, Karim. Kapvatsi ndrongoo ndjema hama mndru hukana wu pvwadzima na Mngu yikawo
nde ariwumba. Kapvatsi ndrongoo mhimu hama
nde wu hakikifu waho wuhuyizi wa haho.“
Karim adaza harumwa mnda mwindji na yeye hamba
huka: “Abu ha wu hamba ze kweli,
Tsina hushinda na homa, yilazimu ya madhambi ya hangu ya hufriliwa yile nidjuwe
Mngu ye namna wumudjuwawo. Yilazimu nifanye
hindri?”
“Hamba ye duwan yinu: “Mngu tsikubali hukaya mimi muenswifu,
yilazimuwani ni hukumulwa, sha ngamuwombo wu niswamihi ye madhambi ya
hangu. Tsamini hukaya Isa afariki haru
mwa wo mswalaba ha sibabu nde madhambi
ya hangu. Isa karibu wudje wurenge ya
mayesha ya hangu wu ya yendese, wukaye
mfawume wa hangu. Tsikubali
hukaya ye damu ya haho yi woso ya madhambi ya hangu. Tsi hunika ya mayeshe ya hangu, nike ye roho
ndzitwaherifu ya haho yili niyenshi pvwa dzima na wawe dayima. AMEN.”
1Mapvingizi risala
4:12; 2Yuhani 3:16; 3Yuhani 10:36; 4Mipvenuliyo 2:23; 5Yuhani 2:1; 6Matiyo
26:52; 7Matiyo 5:38,39; 8Matiyo 5:44;
9Yuhani 8:46, 1Monye 2:22 ;10Matiyo 11:28-30; 11Matiyo 19: 5,6; 12Lukasi
10:10,11; 13Maromu 6:23; 14Yuhani 6:37;
15 2Monye 1:3; 16 Markusi
13:13; 17Mahebraniya 12:12 ; 18Yuhani
1:12-14, Yuhani 3:36.
No comments:
Post a Comment